كريم كـــراميل

هذا كريم كراميل يجنننننن ما شاء الله

وهذا أحلى ما فيه سهولته وسرعته والأحلى أكثر إنه بدون بيض ولا فرن

والطريقة للأمانة هي للأخت العزيزة / أم عزيزان

هذي طريقتها :

المقادير :

2 باكيت كريم كراميل
ثلث كاس سكر
2 كاس حليب بودر
4 ونص كاس ماء

الطريقه :

يضاف الحليب على الماء ويذوب جيدا ونضيف باقي المقادير عليه وكله على النار
ونحرك فيه لما تختلط المقادير جيدا
ولما يغلي غليه وحده نسكر عليه
وطبعا نكون مجهزين القالب وحاطين فيه سكر الكراميل .... ونضيف حليه السائل بشويش ونحطه بالفريز مدة ساعه
وبعدها انزله تحت بالثلاجه حتى يجمد تماما
وتقريبا ياخذ له ساعتين او اكثر ... ( أنا أخليه 5 ساعات )
بس طريقته لذيذه ومضبوطه وان شاء الله مايخرب معاج لما تقلبينه
ونسيت اقولكم بعد اذا جيتي تقلبينه شوفي الاطراف ممكن تكون لازقه بالقالب فكيها اشوي اشوي عن القالب بطرف السكين حتى يدخل الهواء ويطلع لك بسهوله


وصحتين وهنا